Figo: Nuk i kuptoj kritikat ndaj Cristianos
15/12/2011 21:00
Derbi do luhet me tifozë, FSHF “fal” me llogari Tiranën para Partizanit 25/11 16:26
Ish-futbollisti portugez Luis Figo mbrojti patriotin e tij Cristiano Ronaldo, i cili ditët e fundit është kritikuar për paraqitjen e dobët që bëri në humbjen e Real Madrid ndaj Barcelonës të shtunën e kaluar.
“Një futbollist ka momentet e tij të mira dhe ato të këqia. Ata që kritikojnë Cristianon nuk kuptojnë asgjë nga futbolli. Një lojtar nuk mund të kënaqë të gjithë tifozët”, theksoi Figo në deklarata të përcjella nga ‘A Bola’.
“Secili ka mënyrën e vet të të sjellurit. Nuk janë të gjithë njësoj”, theksoi ish-mesfushori i Barcelonës, Real Madridit dhe Interit.
Gjithashtu, Figo foli edhe për Euro 2012 ku Portugalia është në të njëjtin grup me Gjermaninë, Hollandën dhe Danimarkën: “Mendoj se Portugalia do të paraqitet mirë edhe pse kemi grup të vështirë. Nuk mund të them se kush nga këto rivalë është më i rrezikshmi.”
Top Channel
