Sebastian Vettel, dy herë kampioni i botës në Formula 1, ka theksuar se do të jetë e vështirë që të përsërisë sezonin e kaluar ku fitoi titullin kur duheshin edhe 4 gara deri në përfundim.
“Do të jetë e vështirë që të përsëris këtë vit. Kemi bërë shumë pak gabime kështu që nuk do të jetë aspak e lehtë të përsëris performancat e këtij sezoni. Duhet të përmirësohemi edhe më shumë”, shtoi piloti i Red Bull, i cili arriti të fitonte 15 pole position.
Gjithsesi gjermani deklaron se sezonin e ardhshëm ai dhe Red Bulli do ta nisin si favoritë.
“Dy vitet e fundit kanë qenë të suksesshme dhe do të ishte e çuditshme po të them se sezonin e ardhshëm kënaqem vetëm me një vend të pestë apo të gjashtë. Është e qartë që do të luftoj sërish për titullin kampion”, tha Vettel për ‘Autosport’.
Top Channel
