Del Piero del nga spitali
05/12/2011 13:50
Presidentin e Real Madrid e lënë nervat, sulmon Shqipërinë për “Topin e Artë. Ja si e “përgënjeshtron” Besnik Dizdari 24/11 21:11
Alessandro Del Piero ka dalë nga spitali pasi ka kaluar një mbrëmje të qetë pas dëmtimit që pësoi në ndeshjen ndaj Cesena-s. Kapiteni i bardhezinjve pësoi një çarje të rrezikshme në tëmth, por analizat treguan se gjithçka është nën kontroll dhe 37-vjeçarit do t’i duhen vetëm disa ditë pushimi.
Gjatë daljes nga spitali Del Piero është parë i qetë dhe sipas La Gazzetta dello Sport do të qëndrojë disa ditë pushim absolut deri sa plaga të mbyllet.
Edhe pse goditja ka qenë e fortë sulmuesi nuk ka humbur humorin kur postoi në Facebook një foto të tijën me kokë të fashuar dhe të shoqëruar me komentin: “Në spital për analiza, por jam mirë. Po ju lë një foto si kujtim nga ambulanca Shihemi së shpejti!”
Del Piero u godit me taka në kokë gjatë lojës nga një futbollist i Cesena-s dhe menjëherë ra në fushën e lojës i gjakosur dhe u dërgua në spital ku plaga iu qep dhe gjithçka përfundoi pa ndërlikime të mëtejshme.
Top Channel
