Napoli, Cavani mungon ndaj Juventusit

Uruguajani nuk është rekuperuar nga dëmtimi në kavilje që pësoi në ndeshjen ndaj Atalantës të shtunën në mbrëmje.

Nga ana tjetër, Juventusi duhet të bëjë pa mesfushorin Claudio Marchisio, i cili është i skualifikuar.

Napoli do të presë në San Paolo Juventusin kryesues mbrëmjen e së martës në ndeshjen e prapambetur të javës së 11 të Serisë A, një ndeshje kjo që përshkruhet si vendimtare nga të dyja kampet.

Bardhezinjtë do të synojnë fitoren dhe shkëputjen të vetëm në krye të Serisë A duke lënë ndjekësit në -4 pikë pas, ndërsa napolitanët do të kërkojnë rikthimin pas rezultateve jo fort bindëse në ndeshjet e fundit në kampionat.

“Pres të jetë një ndeshje e fortë, për ne ndoshta ndeshja më impenjative që nga nisja e sezonit. Do të përballemi me një skuadër që po tregon se me një projekt e me punë mund të arrihen gjëra të mëdha”, deklaron trajneri juventin, Antonio Conte duke shtuar se megjithatë, cfarëdo rezultati që të arrihet, kampionati nuk përfundon në Napoli.

Edhe në kampin vendas ndeshja ndaj Juventusit përshkruhet si tepër e rëndësishme, por jo përfundimtare.

“Ndeshja ndaj Juventusit është një ndeshje tepër e rëndësishme. Besojn se me presionin e fortë ndaj kundërshtarit dhe me dëshirën që kanë lojtarët për të marrë fitoren, do të arrijmë rezultatin maksimal”, u shpreh për mediat italiane trajneri napolitan, Walter Mazzarri duke hequr një paralele mes lojës së Napolit të tij dhe Juventusit. Sipas tij, Conte dhe bardhezinjtë e tij kanë kopjuar mënyrën e lojës së Napolit, sidomos në lojën pa top.

Top Channel