Somali, lirohet anija italiane
25/11/2011 18:15
FOTO/ E zhveshur me një 17-vjeçar në makinën e bashkëshortit, gruaja e zyrtarit të Ministrisë së Mbrojtjes rrezikon 20 vite burg
16/04 10:37
Një anije italiane e marrë peng që prej 21 prillit nga piratët në brigjet e Somalisë është liruar ditën e premte.
Lajmin e bën të ditur agjencia italiane “ANSA”. Anija “Rosalia D’Amato” u sekuestrua nga piratët teksa ishte në lundrim e sipër në detin Arabik.
Në bord ndodheshin 22 persona, 16 shtetas filipinas dhe 6 shtetas italianë. Sulmi ndodhi rreth 320 milje në jug të Omanit dhe rreth 300 milje në lindje të ishullit Sokotra.
Piratët, pasi kishin marrë nën kontroll anijen, detyruan nën kërcënimin e armëve kapitenin e saj që ta drejtonte mjetin lundrues drejt brigjeve somaleze.
Lirimi i “Rosalia D’Amato” vjen pak kohë pasi një tjetër anije italiane u lirua nga duart e piratëve somalezë, këtë herë falë ndërhyrjes së forcave speciale angleze.
Ndërsa për lirimin e së premtes nuk dihen ende detajet dhe gjendja shëndetësore e 22 marinarëve që ndodheshin në bord.
Top Channel
