Zidane: Real Madrid në nivelin e Barcelonës

“Është shkurtuar shumë diferenca mes Real të Madridit dhe Barcelonës. Sezonin e shkuar ishte e qartë që katalanasit ishin më lart, por këtë sezon gjërat janë ndryshe. Reali është në të nëjtin nivel, për të mos thënë që aktualisht është më mirë se Barcelona”, u shpreh drejtori i ekipit të parë të madrilenëve.

Ish-mesfushori francez i Realit dhe kombëtares së “Gjelave” lavdëroi edhe trajnerin e “Los Blancos”, Jose Mourinho: “Mourinho është më i miri dhe të punosh pranë tij mëson shumë. Kur je futbollist nuk e kupton rëndësinë e punës së trajnerit, ndërsa tani po filloj të kuptoj.”

Më tej, Zidane shtoi për Canal+: “Një ditë mund të bëhem trajner, nuk e përjashtoj si mundësi. Kam çfarë jap në një post të tillë, por është diçka që i përket të ardhmes, nuk kam nxitim.”

Top Channel