Rezultatet zyrtare në Tunizi
26/10/2011 01:30
Konfiskuan anijen e lidhur me Izraelin së bashku me 25 anëtarët e ekuipazhit, ministri iranian: Do t’i lirojmë së shpejti 27/04 10:07
Rezultatet zyrtare të pjesshme pas zgjedhjeve në Tunizi, sygjerojnë fitoren e Partisë Islamike të moderuar “Ennahda”, në zgjedhjet e para demokratike pas “pranverës arabe”.
“Ennahda” shpalli fitoren dhe kundërshtarët pranuan humbjen, në procesin e mbikëqyrur nga vëzhguesit ndërkombëtarë. Ndërsa tunizianët e përshëndetën fitoren.
E dyta në këto zgjedhje renditet partia e qendrës se majtë, “Kongresi për Republikën”.
Sipas Komisionit Zgjedhor “Ennahda” ka triumfuar në 24 zona zgjedhore dhe sipas parashikimeve është fituese, por nuk siguron dot shumicën për të qeverisur e vetme.
“Ennahda” u zotua se do të respektojë pluralizmin dhe do të formojë një koalicion me partitë laike.
“Ennahda” apo “Rilindja” është një parti islamike e cila gjatë regjimit të Ben Ali, ishte shpallur e jashtëligjshme. Udhëheqësi i saj është Rashed Ganushi, i kthyer pas 20 vitesh mërgimi, të cilat i kaloi në Britaninë e Madhe. Ai u zotua se partia e tij do të respektojë demokracinë dhe se do të gjejë ekuilibrin mes modernes dhe islamit.
“Pranvera arabe” në Tunizi rrëzoi nëntë muaj më parë, ish-presidentin e Tunizisë, Zine Al Abidine Ben Ali, pas 23 vjetësh në pushtet. Ndryshe nga fqinji i saj, Libia, tranzicioni i Tunizisë ka qenë gjerësisht paqësor.
Top Channel
