Kryeministri Hashim Thaci ndodhet për një vizitë zyrtare në Austri, ku është pritur nga kancelari austriak, Verner Faiman.
Në takim dy kryeministrat kanë vlerësuar marrëdhëniet e ngushta që ekzistojnë mes dy vendeve dhe kanë vlerësuar bashkëpunimin në disa fusha. Kryeministri austriak ka vlerësuar përpjekjet e Prishtinës për integrimin euro-atlantik dhe ka shprehur mbështetjen e Austrisë.
Ndërkohë, kryeministri Thaci njohu homologun austriak me zhvillimet dhe ftoi investitorët austriakë për të investuar në Kosovë.
Të dy kryeministrat vlerësuan mbajtjen e dialogut teknik me Beogradin duke e quajtur atë si tregues të pjekurisë së institucioneve demokratike të Kosovës që do të ndihmojë në rrugën e Prishtinës drejt Europës dhe instituconeve të tjera ndërkombëtare.
Top Channel
