C. Ronaldo: Ata që më vërshëllejnë janë anormalë

10/10/2011 09:45

Cristiano Ronaldo ka habitur të gjithë kur ka sulmuar ashpër tifozët që e vërshëllejnë në stadium.

Në konferencën për shtyp gjatë grumbullimit të përfaqësueses portugeze, sulmuesi është pyetur se çfarë ndjeu në ndeshjen e shtatorit në Qipro, ku tifozët vendas thërrisnin emrin e Messit sa herë që ai prekte toppin dhe Cristiano u përgjigj: “Ato gjëra i bëjnë njerëzit anormalë, unë nuk shqetësohem fare.”

Gjithashtu, futbollisti i Real Madrid theksoi se një dashamirës futbolli kënaqet duke e parë portugezin në fushë: “Ata që e pëlqejnë futbollin me siguri që kënaqen duke parë lojën time.”

Përsa i përket formës së tij fizike, Ronaldo shpjegoi se për momentin nuk është në 100%, por së shpejti do të kthehet në formën optimale.

Top Channel