Jovanovic: Po mashtrohet opinioni publik

Jovanovic tha se Serbisë i është shkaktuar një dëm i madh dhe se kredibiliteti i saj në BE dhe në botë do të rrënohet edhe më shumë nëse nuk sqarohen menjëherë të gjitha shkaqet dhe elementet e konflikteve të javës së kaluar në Jarinje të Kosovës.

“Opinionit publik serb për ditë të tëra i është servirur një dezinformim, me krijimin e një atmosfere tensioni kombëtar dhe me pohimet se gjoja në Jarinje është shtënë ndaj qytetarëve të paarmatosur, edhe pse ekzistojnë informata se incidenti është shkaktuar nga sjellja e dhunshme dhe sulmet fizike të grupeve të ekstremistëve serbë ndaj ushtarëve të KFOR-it”, deklaroi Jovanovic.

“Ekstremistëve të armatosur serbë nuk u leverdis futja e procedurës së doganimit dhe për shkak të interesave të tyre materiale ata kanë futur në konflikt edhe qytetarët e pafajshëm që jetojnë atje”, nënvizoi ai.

Lideri i liberal-demokratëve tha gjithashtu se disponon fakte për ngjarjet e 26 dhe 27 shtatorit dhe se ato dallojnë në mënyrë drastike nga “faktet” që i paraqiten opinionit publik në Serbi.

Top Channel