Mbrojtësi brazilian i Bajernit të Mynihut, Breno është arrestuar me akuzën e zjarrvënies.
Gjatë natës së të hënës së shkuar flakët kanë shkatërruar plotësisht banesën e tij të Gruenwald, lagjja elegante në afërsi të Mynihut.
Sipas zëdhënësit të Prokurorisë, ndaj futbollistit 21 vjeçar ka dalë një urdhër për paraburgim pasi ekziston mundësia e arratisjes dhe prishjes së provave.
Breno, që pas zjarrit ishte shtruar në spital për probleme me frymëmarrjen, mund të kthehet në liri me kusht.
Bajerni ka shprehur habinë e tij për zhvillimin e ngjarjeve dhe po i siguron futbollistit të tij asistencën maksimale, edhe nëpërmjet një psikologu.
Top Channel
