Moto GP, Stoner fiton sërish
18/09/2011 14:55
Derbi do luhet me tifozë, FSHF “fal” me llogari Tiranën para Partizanit 25/11 16:26
Casey Stoner, piloti i Hondës, ka fituar garën e radhës në Moto GP.
Australiani, kryesuesi i klasifikimit të përgjithshëm, ka kaluar i pari vijën e finishit në pistën e Aragonit, në Spanjë, duke dominuar garën nga fillimi në fund.
Kjo është fitorja e tetë sezonale e Stoner dhe fitorja e dytë radhazi në cirkuitin e Aragonit.
Në vend të dytë e të tretë kanë mbyllur garën spanjollët Dani Pedrosa (Honda) dhe Jorge Lorenzo (Yamaha).
Stoner përforcon pozitat në krye të renditjes me këtë triumf të radhës. Australiani ka 44 pikë avantazh ndaj Lorenzos së vendit të dytë.
Tjetër paraqitje zhgënjyese për Valentino Rossi. Piloti i Ducatit përfundoi garën në vendin e dhjetë.
Top Channel
