Red Bull me motor Renault deri në 2016
09/09/2011 14:40
Real i çmendur, Joselu në histori! Nuk përsëritet finalja gjermane 08/05 23:04
Skuderia austriake Red Bull, që dominon botërorin e Formulës 1 për pilotë dhe konstruktorë, dhe fabrikuesi francez i motorëve Renault, kanë njoftuar ditën e sotme në Monza zgjatjen e kontratës së bashkëpunimit mes tyre edhe për pesë vite të tjera.
“Red Bull Racing dhe Renault Sport F1 konfirmojnë zgjatjen e bashkëpunimit të suksesshëm edhe për pesë vite të tjera”, lexohet në komunikatën e lëshuar ditën e sotme nga skuderia kampione e botës.
Komunikata erdhi menjëherë pas provave të para të lira të Cmimit të Madh të Italisë, ku piloti i McLaren Mercedes, Lewis Hamilton, regjistroi kohën më të shpejtë.
Në vend të dytë piloti tjetër i McLaren, Jenson Button. Paraqitje e mirë edhe për Red Bull që pozicionohet në vend të tretë dhe të katërt me Sebastian Vettel dhe Mark Webber.
Pilotët e Ferrari, Fernando Alonso dhe Felipe Massa, kanë përfunduar në vendin e shtatë dhe të tetë në provat e para të lira.
Top Channel
