Sonte Luksemburg-Shqipëri

Pas humbjes me Francën në Qemal Stafa, kuqezinjtë do të kenë një provë shumë të fortë përballë një kundërshtari të lehtë në letër, por që është skuadra e vetme në grup ndaj së cilës luajmë me synimin për të fituar. Lukemburgu është në vendin e fundit në grup, ndërkohë që përballet sot në mbrëmje me Shqipërinë pas 6 humbjesh radhazi.

Ndeshjen e parë kuqezinjtë e kanë fituar 1-0 në Tiranë me gol të Salihit, ndërkohë që edhe në ndeshjen e sotme kërkohet me ngulm fitorja edhe pse kemi shumë mungesa. Dallku, Cana dhe Lila nuk luajnë për arsye kartonash ndërkohë që Curri u dëmtua me Francën.

Pë këtë arsye trajneri Kuzhe duke u nisur edhe nga synimi për ta fituar këtë ndeshje mendon ta fillojë lojën me një formacion sulmues 4-3-3. Përpara Ujkanit në repartin e mbrojtjes do të jetë Vangjeli në krahun e djathtë, Teli dhe Veliu në qendër ndërsa Agolli në krahun e majtë. Sa i përket mesfushës, trajneri kroat sërish beson te garda e vjetër duke aktivizuar treshen, Lala, Skela dhe Duro, ndërsa në Sulm veç Bogdanit dhe Salihit do të aktivizohet edhe Kapllani.

Luksemburgu pas tetë ndeshjesh në grup ndodhet në vendin e fundit me 1 pikë ndërkohë që ne jemi një pozicion sipër tyre, por në kuotën e 8 pikëve, megjithatë nga ndeshjet e mbetura kjo është përballja më e lehtë për ne në letër, më pas do të udhëtojmë për në Francë për ndeshjen e kthimit për ta mbyllur aventurën me Rumaninë në “Qemal Stafa”.

Top Channel