Fernando Alonso e Sebastian Vettel tek Ferrari. Një skenar mahnitës, i imagjinuar nga spanjolli i kokëkuqes. I intervistuar nga e përditshmja gjermane “Bild”, ai ka thënë fjalë pozitive për rivalin e vetë.
“Vettel është një kampion i madh që po fiton botërorin e dytë. Ka shumë talent dhe aftësi për të duruar presionin”, është shprehur Alonso.
Ai ka fituar dy tituj me Renault në 2005-n dhe në 2006-n, ndërkohë që duket se gjermani do ta arrijë shumë shpejt.
“Nëse do luaja me para – vijon ferraristi – do vija bast për Sebastian”.
Dhe në fund një shigjetë për shokun e tij të skuadrës Felipe Massa:
“Vettel tek Ferrari? Shumë pilotë duan të vijnë. Ai do ishte i mirëpritur – pohon Alonso. – Nga ana tjetër nëse nuk ke ngarë një Ferrari, karriera jote nuk është e plotë”.
Top Channel
