Flamurtari është kualifikuar për në raundin e dytë të kupës Europa Ligë falë rezultatit të përgjithshëm 4-3 me Buducnostin e Podgoricës.
Edhe pse janë mundur në ndeshjen e kthimit 1-2, ka qenë rezultati i ndeshjes së parë në Podgoricë ai që ka shtyrë skuadrën e Maganit në fazën tjetër.
Ka shënuar sërish Flamurtari i pari me Shehaj në pjesën e parë, ndërkohë në të dytën kanë përmbysur malazezët gjithçka brenda 5 minutash.
Në minutën e dytë Boskovic triblon brenda zonës dhe barazpeshon shifrat ndërsa në minutën e 77-të është sërish ai që shndërron në gol një 11-metërsh.
Megjithatë edhe pse janë mundur vlonjatët kalojnë për më tej ku i pret skuadra çeke e Jablonecit.
Ndeshja e parë mes Flamurtarit e Jablonecit zhvillohet sërish në Vlorë më 14 korrik, ndërsa ajo e kthimit më 21 korrik.
Top Channel