Sancez, trajneri i ri i Tiranës
22/06/2011 21:20
Julian Rubio Sancez është trajneri i ri i Tiranës. Spanjolli i cili do të zëvendësojë në këtë post Kërstiçeviç, ka nënshkruar një kontratë 1 vjeçare me të drejtë ronovimi me presidentin e klubit kryeqytetas Refik Halili.
Kulmi i Sancez si trajner është kur ai mori drejtimin e skuadrës spanjolle Sevija në sezonin 1997-1998.
Më pas ai ka qenë trajner i skuadrave të Divizionit të Dytë spanjoll, ku në fund ka drejtuar Albasete.
Gjatë prezantimit, 59 vjeçari spanjoll ka theksuar se qëllimi dhe dëshira janë fitimi i titullit kampion.
Bashkë me trajnerin, Tirana ka prezantuar blerjen e parë të merkatos, kapitenin e kombëtares së Kenias, Xhejms Situma.
Top Channel