Itali, futbolli në tension
16/06/2011 12:20
Dikur tifozët, sot lojtarët, Vllaznia duket se ka mbetur me biçikletë… 09/10 14:08
Skema e ngjyrave
Madhësia e shkrimit
Futbolli italian ndodhet në një situatë të tensionuar, pasi përvec skandalit të fundit të basteve, acarim ka shkaktuar edhe vendimi i gjykatës ndaj ish-bosit të klubit Juventus, Luciano Moggi.
Gjykata ka vendosur përjashtim të përhershëm të tij nga bota e futbollit, për shkak të rolit të tij thelbësor në skandalin e manipulimeve që shpërtheu disa vite më parë, “Calciopoli”.
Por reagimi i Moggi-t ka qenë i ashpër, duke paralajmëruar se ky vendim nuk do ta largojë atë nga bota e futbollit.
“Vendimi ka hedhur poshtë atë që ka vendosur Gjykata e Lartë. Dikush do të paguajë për këtë dhe ata e dinë shumë mirë. Nëse duan luftë, luftë do të kenë. Dua të dal nga futbolli kur të dua unë dhe jo kur të duan të tjerët”, ka deklaruar Moggi.
Ish-drejtori i përgjithshëm i Juventus ka theksuar se është gati të apelojë në të gjitha shkallët e drejtësisë vendimin “e padrejtë” të marrë ndaj tij.
Top Channel
