Shalë, kryetari i komunës plagos një person

Bëhet fjalë për një të afërm të kandidatit socialist për komunën Shalë i cili është qëlluar, sipas policisë, nga kandidati demokrat Dedë Tonaj.

Zgjedhjet në këtë komunë do përsëriten për shkak të parregullsive të rënda.

Ngjarja ndodhi rreth orës 18:30 në periferi të qytetit, tek zona e quajtur ish Fermentimi.

Sipas policisë, dyshohet se shtetasi Dedë Tonaj me detyrë kryetar i komunës Shalë ka debatuar ashpër me një shtetas që është djali i xhaxhait të kandidatit të Partisë Socialiste.

Debati ka përfunduar me përdorimin e armëve pasi një prej personave është qëlluar në këmbë me pistoletë.

Autori i ngjarjes, pas plagosjes, është larguar për në drejtim të Dukagjinit, ndërsa policia është vënë në ndjekje.

Në komunën Shalë në Dukagjin, zgjedhjet vendore do të përsëriten.

Top Channel