Ndeshja e fundit e Fenomenit
08/06/2011 10:00
E ardhmja e Osimhen larg Napoli-t, PSG-ja në “pole position” për blerjen e nigerianit 27/04 11:38
Ronaldo, sulmuesi që ka shënuar më shumë gola në historinë e kampionateve botërore, luajti 15 minutat e fundit të pjesës së parë në ndeshjen miqësore Brazil – Rumani duke i dhënë lamtumirën futbollit.
Në pushim të ndeshjes, Fenomeni bëri një xhiro rreth fushës i mbështjellë me flamurin brazilian për të përshëndetur 30 mijë tifozët e pranishëm.
Ronaldo hyri në fushën e lojës në minutën e 30 kur rezultati ishte 1-0 për Brazilin dhe kishte tre raste të mira për gol, por nuk arriti të shënojë asnjë.
“Shumë faleminderit për mbështetjen që i keni dhënë karrierës sime. I jam mirënjohës të gjithë popullit brazilian për dashurinë që më ka treguar. Do shihemi sërish, por kësaj radhe jashtë fushave të lojës”, u shpreh Ronaldo në fjalimin e tij të shkurtër.
Top Channel
