Nadal fiton Slam-in e 10-të
05/06/2011 19:50
El Shaarawy: Bëra me përpikëri çfarë më kërkoi De Rossi, ndaj Milan-it luajtëm për Çelik 19/04 19:59
Rafael Nadal është i pathyeshëm në fushën me dhe. Spanjolli ka mundur edhe këtë herë në finalen e Roland Garros rivalin e tij direkt, Roxher Federer 3-1 me sete, duke barazuar kështu rekordin e suedezit Bjorn Borg me 6 fitore radhazi në slam-in parisien.
Federer e nisi mbarë ndeshjen duke kryesuar setin e parë por në fund gabimet e njëpasnjëshme bënë që spanjolli të përmbyste rezultatin dhe ta fitonte atë 7-5.
Edhe pse e ka vënë në vështirësi në setin e dytë, zvicerani bëri sërish gabim që rezultuan fatale për të në fund. Në setin e tretë Federer ndryshoi taktikë duke luajtur ndryshe nga dy të parat.
Kjo gjë rezultoi e suksesshme për zviceranin i cili e fitoi atë 5-7 dhe ngushtoi diferencën e seteve në 2-1. Mesa duket fuqitë e Federer shteruan në setin e katërt pasi e gjithë kjo pjesë loje foli për spanjollin.
Rafael Nadal fiton kështu trofeun e 10 slam në karrierën e tij, triumf ky që e mban atë sërish në vendin e parë në renditjen botërore.
Top Channel
El Shaarawy: Bëra me përpikëri çfarë më kërkoi De Rossi, ndaj Milan-it luajtëm për Çelik 
