Aksident i rëndë në aksin Korçë-Pogradec
29/05/2011 12:10
Një aksident i rëndë ndodhi në aksin rrugor Korçë-Pogradec në orët e vona të mbrëmjës së të shtunës.
37-vjeçari Lindor Shkullaku humbi jetën si pasojë e aksidentit, ndërsa ka qenë duke drejtuar mjetin e tij. Aksidenti i rëndë ndodhi në afërsi të fshatit Cërravë.
Sipas policisë që ka shkuar në vendin e ngjarjes, 37-vjeçari ka humbur kontrollin në drejtimin e mjetit dhe për pasojë ka devijuar nga rruga duke përfunduar në anë të saj.
Mjeti ka qenë me shpejtësi në momentin e aksidentit gjë që ka shkaktuar edhe vdekjen e drejtuesit për shkak të përplasjes së fortë.
Policia tha se shkak i daljes nga rruga ka qenë hyrja me shpejtësi në kthesë.
Top Channel