Politika godet ekonominë

Edhe pse kjo kategori kredish zyrtarisht nuk cilësohet si borxh i keq, rritja e tyre është një sinjal i fortë që parlajmëron se në muajt në vijim, bankat mund të përballen me një tjetër kërcim të kredive të këqija, sakaq në nivele të larta.

Të dhënat tregojnë se ajo e tremujorit të parë ishte rritja më e madhe historike e kredive me vonesa në shlyerje, që bankat shqiptare nuk e patën provuar as në kulmin e krizës globale. E gjendur në këtë situatë Banka e Shqipërisë po i kërkon qeverisë forcimin e ligjit në ekzekutimin e garancive

Disa ekspertë që e njohin sistemin bankar thonë se ekonomia po ndjen kostot e krizës së zgjatur politik. Tremujori i parë përkon me kulmin e saj, në ngjarjet e 21 janarit. Ndërsa tensioni politik vijon të mbetet i lartë, situata përcjell tek publiku mesazhe pasigurie. Dhe përkeqësimi i portofolit të kredisë nuk është sinjali i parë që e paralajmeron këtë. Të dhënat zyrtare nga INSTAT dhe Banka e Shqipërisë kanë konfirmuar tashmë se në dy tremujorët e fundit konsumi ka rënë dhe qytetarët kanë pakësuar blerjet.

Në tremujorin e fundit të 2010 shitjet me pakicë sipas INSTAT ishin 1.2 për qind më të ulëta se një vit më parë. Ndërsa në tremujorin e parë të vitit, importi i mallrave me konsum ishte 1.4 për qind më i ulët se e njëta periudhë e 2010. Në kushtet e një pasigurie të rritur, qytetarët priren t’i shtyjnë në kohë vendimet për blerje dhe investime, cka shkakton rënien e konsumit. Debati i hershëm nëse tensioni i rritur politik ka apo jo pasoja në ekonomi po merr tashmë përgjigjet e para.

Top Channel