Kryetari i Komisionit Qendror të Zgjedhjeve Arben Ristani deklaroi se
deri në mesditë në të gjithë vendin pjesëmarrja e votuesve ka qenë
21.89 përqind.
Duke folur në një konferencë për mediat, Ristani njoftoi se 8 qendra në të gjithë vendin janë të pahapura.
Ristani tha se nëse mosfunksionimi i këtyre Qendrave të Votimit do të ndikojë në rezultatin përfundimtar, atëherë do të përsëritet votimi te këto zona.
Disa minuta më vonë Artan Laze, pjesëtar i Komisionit të Zgjedhjeve, deklaroi për Top Channel se incident i rëndë ishte ai që ndodhi me ekipin e xhirimit në qytetin Studenti, ku gazetari dhe operatori u dhunuan, ndërsa kamera u mor prej dy personave për disa orë.
Laze sqaroi se në rang vendi nuk ka incidente të tjera të rënda, ndërsa duke folur për bojën matrikuluese ai theksoi se kjo substancë merr një kohë prej 3 minutash për t’u tharë plotësisht.
Top Channel
