Një mësues që ishte betuar 10 vite më parë se nuk do të rruhej deri sa Osama Bin Laden të kapej apo të vritej, më në fund hoqi mjekrën.
50-vjeçari Gary Weddle, nga Uashingtoni, tregoi: “Kur u sulmuan kullat binjake më 11 shtator 2001, unë mbeta i shokuar para televizorit për disa ditë me radhë. Që atë ditë unë nuk jam rruar asnjëherë.”
Gary hoqi mjekrën e tij në kohën që presidenti i Shteteve të Bashkuara të Amerikës, Barack Obama, po njoftonte vrasjen e kryeterroristit në televizion.
Bashkëshortja e tij, Donita, tha: “Unë i thoja gjithmonë që ta hiqte mjekrën, por ai ishte betuar dhe unë e respektoja këtë gjë. Tani ai duket 10 vjet më i ri!”
Top Channel
