Leonardo: Ndihem më i fortë
29/04/2011 16:00
Guardiola: Fëmija i tretë ndoshta e bën Foden të kuptojë, nuk luhet gjithmonë me “marshin e gjashtë” 26/04 23:29
Trajneri i Interit, Leonardo, mendon se ekipi i tij nuk ka nevojë për ndryshime të shumta në kuadër të sezonit të ardhshëm sepse zikaltërit janë kampionët e botës në fuqi.
“Cikli i Interit nuk ka përfunduar. Nuk kemi pse ndryshojmë 25 lojtarë sepse ekipi që unë drejtoj është kampion në fuqi i Europës, i Botës, luan ende në Kupën e Italisë dhe renditet në vend të dytë në kampionat. Shikoni Milanin, po fiton një kampionat me shumë lojtarë që kanë qenë aty edhe para katër vjetësh”, u shpreh Leonardo në konferencën për shtyp para ndeshjes së nesërme ndaj Cesenës.
Në këtë ndeshje do të mungojë Wesley Snejder për shkak të një problemi të vogël fizik.
Përsa i përket të ardhmes së tij tek klubi zikaltër, Leonardo theksoi: “Ndihem më i fortë në këtë profesion dhe jam i vendosur të vazhdoj të bëj trajnerin. Humbjet më kanë shtuar dëshirën.”
Top Channel
