Carter: Penianit po i shkelen të drejtat
28/04/2011 16:55
Doli hapur kundër qeverisë në këngët e tij, dënohet me vdekje reperi iranian! U torturua dhe u izolua për 252 ditë 26/04 08:55
Ish-presidenti amerikan Jimmy Carter ka akuzuar SHBA dhe Korenë e Jugut se kanë shkelur të drejtat e njeriut në Korenë e Veriut me ndalimin e ndihmave ushqimore.
Komentet e zotit Carter erdhën pas një vizite private treditore që ai zhvilloi në Penian.
Ai ka deklaruar gjithashtu se Koreja e Veriut është e gatshme të mbajë bisedime të pakushtëzuara me Jugun, mesazh ky që i është përcjellë direkt nga lideri Kim Jong il.
Jugu kërkon nga Veriu që të kërkojë të falur për sulmin vjdekjeprurës të ndodhur vitin e kaluar para se të fillojnë bisedimet.
Seuli fajëson Penianin për mbytjen e anijes luftarake në mars të vitit 2010, ku humbën jetën 46 persona, akuzë të cilën Peniani e mohon.
Nga ana e tyre, Shtetet e Bashkuara kanë theksuar se vizita e zotit Carter ka qenë tërësisht private, ndërsa Koreja e Jugut se nuk priste gjë nga takimet e ish-liderit amerikan.
Top Channel
