Ancelotti-Chelsea drejt divorcit
13/04/2011 12:45
Lewandowski jashtë planeve, Barcelona mendon zëvendësuesin surprizë 06/05 08:08
I eliminuar në çerekfinalet e Champions League, nga Kupa e Anglisë dhe pa shanse për të fituar titullin kampion në Premiership, Carlo Ancelotti po përgatit valixhet për t’u larguar nga klubi londonez.
Pronari i “bluve”, Abramovich, vazhdon të jetë i fiksuar pas titullit të Champions që prej mbërritjes së tij në skuadër në vitin 2003, prandaj nuk është i gatshëm të tolerojë disfatën me Manchester United.
Divergjencat midis trajnerit italian dhe presidentit rus kanë qenë të mëdha prej disa muajsh, që nga mosrinovimi i ndihmëstrajnerit Wilkins apo blerja pa vullnetin e Ancelotti-t e Torres-it, prandaj shkarkimi është i sigurt në fundin e sezonit.
Me largimin nga “Stamford Bridge”, për Ancelotti-n krijohet mundësia e kalimit në stolin e Romës, ku ai preferohet shumë prej pronarëve të rinj amerikanë të klubit verdhekuq.
Top Channel
