Berlusconi: Fitojmë kampionatin dhe blej Ronaldon

12/04/2011 08:10

Silvio Berlusconi ka folur gjatë për Milanin në një emision televiziv italian duke bërë tifozët kuqezinj të shpresojnë edhe më shumë tek e ardhmja e skuadrës së tyre.

“Milan është në krye të renditjes sepse kemi një ekip të kompletuar. Në vend të dytë është një skuadër e mrekullueshme si Napoli, por shpresoj që të qëndrojmë deri në fund në vend të parë dhe të fitojmë titullin kampion”, u shpreh Berlusconi.

“Abbiati, Thiago Silva, Nesta, Pato dhe Ibrahimovic deri para 2 muajsh kanë një notë pozitive. Më pëlqen shumë edhe Robinho”, shtoi presidenti i Milanit.

Berlusconi shkon më tej duke bërë të ditur premion për fitimin e kampionatit: “Në merkaton e ardhshme, nëse fitojmë titullin, skuadrës do t’i bashkohen 1 ose 2 kampionë të mëdhenj. Njëri nga këto mund të jetë Cristiano Ronaldo. Ëndrrat ka raste që realizohen, kurrë nuk i dihet.”

Top Channel