Plumba shtëpisë së vëllait të Messi-t
11/04/2011 19:45
Luis Enrique: Jemi pranë një titulli të merituar, Mbappe? Sezonin e ri do të jemi më të fortë 26/04 19:47
Shtëpia e vëllait të futbollistit Leo Messi, Matias, u vendos në shënjestrën e plumbave të lëshuar nga një dorë e panjohur ditën e sotme, në qytetin argjentinas Rozario.
Sipas rindërtimit të policisë, banesa e 29-vjeçarit u godit me një pistoletë 9 milimetra, nga një motorçikletë në lëvizje, gjatë mëngjesit të së shtunës. Megjithatë, për arsye të paqarta, denoncimi i Matias u bë vetëm ditën e sotme.
Shtëpia e qëlluar është e njëjta me atë që Messi qëndron gjatë kohës kur është në vendlindjen e tij.
”Nuk gjej asnjë shpjegim për këtë ngjarje. Ka një problem pasigurie që vuajnë qytetarët, por ky është një rast edhe më i bujshëm, pasi bëhet fjalë për familjen Messi”, deklaroi Ricardo Giusepponi, avokat i familjes së futbollistit.
Duke përfituar nga ngjarja, ai ironizoi me një dënim të mëparshëm që i është bërë Matias Messi-t në vitin 2008, pasi u zbulua se mbante me vete një pistoletë pa leje.
Top Channel
