Dëmtohet shtresa e ozonit
05/04/2011 21:30
Ky është gabimi më i zakonshëm që bëjnë çiftet që hasin probleme në raportin seksual! 26/04 08:00
Shtresa e ozonit ka pësuar dëmtime të paprecendentë në Arktik këtë dimër. Në fund të marsit, sipas BBC-së, është shkatërruar 40% e masës së gazit në stratosferë, në një kohë kur rekordi i deritanishëm ishte 30%.
Ozoni mbron kundër kancerit të lëkurës, por reaksionet me kimikatet industriale e dëmtojnë rëndë shtresën e tij.
Të tilla kimikate janë kufizuar nga protokolli i Montrealit i OKB-së, megjithatë, jetëgjatësia e madhe i bën ato të qendrojnë aq gjatë në atmosferë, sa dëmi mund të vazhdojë për dekada të tëra.
Kushtet e të ftohtit në stratosferë i përshpejtojnë reaksionet shkatërruese.
Ndonëse një fenomen i tillë është i përvitshëm në antarktidë, ku dhe ka marrë termin “vrimë e ozonit”, panorama në arktik konsiderohet më pak e qartë, pasi moti në stratosferë nuk është shumë i parashikueshëm.
Temperaturat në rajon këtë dimër, kanë qenë më të ngrohta se zakonisht, megjithatë në lartësitë 15 deri në 20 km mbi sipërfaqen e tokës, ato kanë pësuar rënie.
Humbjet e ozonit për 2011-tën tregojnë se duhet të jemi vigjilentë e ta mbajmë nën vëzhgim situatën në Arktik, thotë sekretari i përgjithshëm i organizatës metereologjike botërore, Michel Jarraud.
Dëmtimi i shtresës së ozonit lejon të kalojnë më shumë rreze të dëmshme ultravioletë në atmosferë, çka është lidhur me shtimin e rasteve të kancerit të lëkurës, perdes së syrit dhe dëmtimit të sistemit imunitar.
Top Channel
