Milani është gjobitur me 20 mijë euro për banderolat ofenduese të shfaqura ndaj trajnerit të Interit, Leonardo dhe për bezdisjen me lazer të futbollistëve në fushë, vendosi sot Komisioni i Disiplinës së Federatës Italiane të Futbollit.
Në derbi, tifozët kuqezinj, të indinjuar nga kalimi i papritur i ish-lojtarit, trajnerit dhe drejtuesit të tyre në radhët e zikaltërve, shpalosën banderola gjigante, në të cilat ofendohej e shahej rëndë njeriu i formuar në radhët e klubit të tyre.
Përsa i përket dy futbollistëve të përjashtuar me kartonin e kuq, Komisioni i Disiplinës nuk ka arsye për të forcuar masat kundër tyre, kështu që Chivu dhe Cassano do të mungojnë për vetëm një ndeshje.
Me dy takime u pezullua ndihmëse i Leonardos, Bernazzani, për ofendime që bëri ndaj vijërojtësit. Ndër vendimet e tjera, bie në sy pezullimi deri në 2 maj i Igli Tares, një drejtues i Lacios.
Ai u pezullua për “një sjelle tepër kërcënuese dhe ofenduese ndaj gjyqtarëve të ndeshjes në dhomat e zhveshjeve”.
Top Channel
