Agjentë të Sigurisë Siriane kanë arrestuar disa dhjetëra njerëz, pas protestave anti-qeveritare të zhvilluara ditën e djeshme, lajmëroi “Associated Press”.
Të paktën shtatë persona u vranë të premten, ndërsa forcat e sigurisë u përleshën me protestuesit. Në total, numri i viktimave në dy javët e trazirave që kanë përfshirë vendin arab ka shkuar në 79.
Policia nisi të arrestonte nesër që në orët e vona të natës dhe ka vazhduar gjatë të gjithë ditës së sotme, kryesisht në zonat përreth kryeqytetit Damask, thanë dëshmitarët për mediat e huaja.
Vala e fortë e protestave përbën sfidën më të madhe me të cilën Partia Arabo-Socialiste Bath përballet në pesë dekadat që udhëheq vendin.
Qeveria ka fajësuar për këto trazira që po ndodhin në vend “banditë” të paguar nga jashtë dhe që i shërbejnë atyre vendeve që kanë interes të destabilizojnë situatën në Siri.
Në një fjalim të mbajtur përpara parlamentit, presidentit Bashar al-Assad refuzoi të hiqte statusin e gjendjes së jashtëzakonshme, ndonëse diçka e tilllë ishte premtuar më parë, si pjesë e një dalje publike të presidentit për të qetësuar kombin.
Gjendja e jashtëzakonshme është në fuqi në Siri që prej vitit 1963, kur babai i Assad-it, erdhi në pushtet nëpërmjet një grushti shteti.
Top Channel
