Supersport-TVSH bojkotojnë Superligën

Sipas programit, TVSH duhet të transmetonte derbin e kryeqytetit, Tirana-Dinamo, ndërsa “Supersport” ndeshjet e pretendentëve për titull, Flamurtarit dhe Skëndërbeut.

Përsa i përket Televizionit Publik Shqiptar, ata vendosën për këtë bojkot pasi nuk gjetën një marrëveshje me FSHF-në për orarin e transmetimit të takimit.

Ndërkohë, drejtuesit e paketës “Supersport”, pjesë e platformës Digitalb, gjithashtu akuzuan për qëndrimin e mbajtur prej tyre sjelljen e FSHF-së.

Kjo e fundit, nga ana e saj, pengoi trajnerin Josip Kuzhe dhe lojtarët e kombëtares që të jepnin deklarata direkte për “Supersport” pas dy ndeshjeve të fundit me Slloveninë dhe Bjellorusinë.

Nga ana e saj, paketa “Supersport” dëshiron të qartësojë se është ndër sponsorat kryesorë të kombëtares sonë dhe ka blerë të drejtën e transmetimit të të gjitha ndeshjeve të Superligës.

Të gjitha detyrimet janë paguar sipas detyrimeve kontraktuale, kontratë të cilën FSHF po dëshmon se nuk është duke e respektuar.

Top Channel