Përjashtohet Bosnje-Hercegovina

Ky vendim ishte paralajmëruar më parë pasi Federata e Futbollit të Bosnja Hercegovinës nuk ka pranuar adaptimin e statutit të propozuar nga FIFA dhe UEFA.

Komitetet ekzekutive të këtyre dy organizmave, i FIFA-s më 28 tetor të vitit 2010 dhe UEFA-s më 4 tetor të vititi 2010-të i kërkuan Federatës boshnjake adaptimin e statutit të tyre si minimum për zgjidhjen e problemit të brendshëm që ka kjo federatë.

Paralajmërimi i fundit u bë më 31 mars por sërish u refuzua kjo gjë. Mbledhja  fundit e asamblesë së kësaj federate nuk arriti kuorumin e nevojshëm për të pranuar këto propozime pasi vetëm 22 delegatë nga 54 të pranishëm votuan në favor të kësaj kërkese, duke i sjellë humbjen e menjëhershme të antarësisë së kësaj federate në UEFA dhe FIFA deri në një vendim të dytë.

Ky pezullim e përjashton federatën boshnjake të futbollit nga të gjtiha aktivitetet ndërkombëtare që nga data 1 prill deri në zgjidhjen e problemit.

Gjithsesi drejtuesit e kësaj federate do të kenë rreth 2 muaj kohë për të gjetur një zgjidhje përpara se FIFA e UEFA të marrë një vendim përfundimtar për përjashtimin e saj.

Ndeshjen e rradhës Bosnje Hercgovina do ta luajë me Rumaninë më 3 qershor.

Me këtë pezullim, nëse gjithçka nuk zgjidhet, të gjitha pikët e luajtura e fituara apo të humbura nga kjo përfaqësuese bëhen zero, që do të thotë se ne na hiqet një pikë nga barazimi i ndeshjes së parë e zbresim në vendin e tretë me 7 pikë nga 8 që kemi aktualisht, Franca kryesuesja e grupit zbret në kuotën e 9 pikëve nga 12 që ka aktualisht por mban kreun e grupit ndrësa Bjellorusia mbetet në vendin e dytë në kuotën e 8 pikëve pasi nuk ka zhvilluar asnjë ndeshje me Bosnje Hercegovinën.

Top Channel