McLaren lajmëron modifikime të reja
31/03/2011 19:55
Gjobë për Kosovën, ndëshkim për Kroacinë, por Serbia merr goditjen më të rëndë nga UEFA 10/10 07:24
Skema e ngjyrave
Madhësia e shkrimit
McLaren Mercedes lajmëroi sot se do të prezantojë në ditët në vazhdim disa modifikime të rëndësishme në makinën e saj “MP4-26”, të cilat duhet të lejojnë Hamilton e Button të luftojnë me armë të barabarta ndaj Red Bullit.
Martin Whitmarsh, “bosi” i skuadrës anglo-gjermane, u shpreh optimist dhe i bindur se diferenca me rivalët për titull do të ngushtohet shumë shpejt. Kjo është hera e dytë që McLaren-i ndryshon brenda pak ditësh programin e tij.
”Shigjetat e agjendta” investuan në rikonceptimin total të makinës dy javë përpara fillimit të Botërorit, pas paraqitjeve të para zhgënjyese në testimet dimërore. Rezultatet ishin të dukshme dhe McLareni ishte ndjeshëm më i shpejtë se Ferrari në Australi, por mbetet ende pas Red Bullit.
”Gara e parë në Australi ishte një pikënisje e mirë”, deklaroi Hamilton. “Nuk e kishim menduar se do të ishim kaq të fortë që në garën e parë të sezonit.
Është e qartë që Botërori është shumë i gjatë dhe i vështirë, prandaj duhet të përpiqemi të fitojmë sa më shumë pikë në çdo pistë. Kjo skuadër nuk dorëzohet kurrë dhe do të ketë të reja që në garën e ardhshme”.
Top Channel
