Portieri me 100 gola në karrierë
28/03/2011 09:00
Si ndikon përdorimi i telefonit sapo zgjohemi në mëngjes tek shëndeti? 26/11 07:45
Portieri brazilian, Rogerio Ceni, shënoi mbrëmjen e djeshme golin numër 100 në karrierë.
Goli i shënuar nga një goditje dënimi e ekzekutuar në mënyrë perfekte i dha fitoren ekipit të tij, Sao Paolo, në derbin ndaj Corinthias (2-1).
Portieri që ka shënuar më shumë gola në historinë e futbollit ka luajtur gjithsej 965 ndeshje në karrierë, të gjitha me Sao Paolon, ekip në të cilin është kapiten.
38-vjeçari ka shënuar 56 gola me goditje dënimi dhe 44 të tjerë me 11-metërsh që nga fillimi i karrierës së tij si profesionist.
Gjithsesi, për FIFA-n Rogerio Ceni ka shënuar gjithsej 98 gola në karrierë sepse organizmi drejtues i futbollit botëror nuk njeh dy gola që portieri veteran i ka shënuar në miqësore.
Top Channel
