Komuniteti ndërkombëtar reagoi sot dhe dënoi ashpër shtypjen e dhunshme që autoritetet siriane i bënë protestave paqësore të ditës së premte.
Shtetet e Bashkuara të Amerikës deklaruan se Siria po përpiqet të frikësojë protestuesit, ndërsa shefi i OKB-së, Ban Ki-moon i kërkoi Damaskut që të vetpërmbahet.
Dëshimtarët kanë konfirmuar se disa dhjetëra persona janë vrarë gjatë këtyre protestave. Zyrtarisht janë pranuar 15 viktima, por sipas disa organizatave për të drejtat e njeriut numri i tyre është deri në 100 persona.
Që prej një jave, protesta anti-qeveritare kanë ndodhur në qytete jugore të Sirisë, por të premten ato u përhapën edhe në kryeqytetin Damask. Demonstruesit kërkojnë më shumë të drejta politike dhe përmirësimin e kushteve ekonomike.
Siria drejtohet prej 11 vitesh nga presidenti Bashar al-Assad, i cili zëvendësoi në këtë funksion babain e tij, që udhëhoqi në mënyrë despotike vendin për tre dekada.
Top Channel