Londër, mijëra protestojnë ndaj shkurtimeve

Siç bën të ditur “AFP”, kryeqyteti britanik vazhdon të jetë në tension nga mundësia e shpërthimit të episodeve të dhunës, ndërsa një numër rekord i forcave të policisë është vendosur në rrugët kryesore.

Sindikatat që organizojnë këtë protestë informuan se presin më shumë se 100 mijë pjesëmarrës në manifestimin që i kundërvihet planit të koalicionit konservator-liberal demokrat, për reduktimin e defiçitit tregtar të Britanisë.

Burimet policore bënë me dije se 4 500 policë janë vendosur gjatë rrugës së marshimit, ndërsa pritet që punonjësve të sektorit publik t’u bashkangjiten edhe organizatat studentore, të revoltuara nga plani i trefishimit të pagesës për kuotat hyrëse në Universitet.

Pensionistët dhe Sindikatat e Infermierëve kanë konfirmuar gjithashtu pjesëmarrjen. Sipas koalicionit qeverisës që erdhi në pushtet në maj 2010, shkurtimet do t’i kursejnë qeverisë 92 miliardë euro në pesë vitet e ardhshme.

Sipas tyre, reduktimi i defiçitit buxhetor është bërë i domosdoshëm, por ai do të jetë i dhimbshëm, pasi rreth 300 mijë njerëz do të humbin vendin e tyre të punës apo benefite të tjera sociale.

Protesta e sotme është më e madhja e parë ndonjëherë në Londër që prej vitit 2003, kur rreth një milion persona marshuan për të kundërshtuar luftën në Irak.

Top Channel