Itali, vijojnë zbarkimet në Lampeduza
26/03/2011 09:45
Nuk ndalet vala e re e emigrantëve afrikanë që zbarkojnë në ishullin e Lampeduzës, në jug të Italisë.
Gjatë natës kanë mbërritur mbi 140 afrikano-veriorë, 120 prej të cilëve janë shpëtuar nga mbytja nga roja bregdetare pak milje larg bregut.
Ndërkohë, rreth orës 5 të mëngjesit karabinierët kanë lokalizuar 22 emigrantë të tjerë po nga Afrika e Veriut.
Nuk përjashtohet mundësia që emigrantë të tjerë, kryesisht tunizianë, të kenë zhdukur gjurmër e tyre për t’i shpëtuar forcave të policisë.
Top Channel