Siri, autoritetet premtojnë reforma politike
24/03/2011 19:15
Delegacioni egjiptian i sigurisë shkon në Izrael për të diskutuar mbi armëpushimin në Gaza (fotot)
26/04 18:19
Liderat sirianë bënë të ditur se janë të gatshëm të kryejnë disa reforma të rëndësishme politike, pasi disa ditë protesta të dhunshme në vend kanë shkaktuar vdekjen e disa dhjetëra qytetarëve.
Sipas BBC, premtimi kryesor i deritanishëm është heqja e gjendjes së jashtëzakonshme, e cila qëndron në fuqi që prej vitit 1963 dhe i jep policisë kompetenca të shtuara.
Njëkohësisht, qeveria e Damaskut premtoi edhe një hetim të hollësishëm për vrasjen e të paktën 15 personave në qytetin e Derës, shifër kjo e pranuar zyrtarisht, por që mund të jetë deri në 100 viktima sipas disa organizatave për mbrojtjen e të drejtave të njeriut.
Qytetarët e Sirisë kërkojnë më shumë të drejta politike dhe demokratizimin e shoqërisë. Presidenti Bashar el-Assad drejton vendin prej 11 vitesh, pasi trashëgoi pushtetin nga babai i tij që udhëhoqi vendin në mënyrë despotike për më shumë se tre dekada.
Top Channel
