Arsenal rikthen portierin Jens Lehmann
15/03/2011 08:35
Inter, momenti i Asllanit dhe linjave të dyta/ Më shumë hapësira për të ardhur në maksimum për Euro 2024 28/04 09:35
Arsene Wenger, menaxheri i Arsenalit, ka rikthyer sërish në ekipin anglez ish-portierin e Topçinjve, Jens Lehmann.
Gjermani 41-vjeçar, i cili ka lënë futbollin verën e kaluar, është rikthyer në aktivitet me kërkesë të Wenger për të zgjidhur krizën në portën e Arsenalit pasi dy portierët polakë, Wojciech Szczesny dhe Lukasz Fabianski, janë të dy të dëmtuar.
Jens Lehmann ka luajtur për pesë vite me Arsenalin përpara se të largohej në vitin 2008 për tek Shtutgarti pas shumë konflikteve me portierin Manuel Almunia.
Lehmann do të nënshkruajë një kontratë deri në fund të sezonit dhe mund të jetë me skuadrën për ndeshjen e ardhshme.
“Unë do të ndihmoj Almunian ose këdo tjetër që do të mbrojë portën e Arsenalit. E di që do të jem portieri rezervë. Nuk do të ketë rivalitet me Almunian si tre vite më parë. Jam shumë i lumtur që po i rikthehem futbollit”, u shpreh Lehmann.
Top Channel
