Katër varka të tjera me emigrantë afrikanë kanë mbërritur gjatë natës në ishullin italian të Lampeduzës, disa orë pasi në mbrëmje kishin mbërritur 224 klandestinë të tjerë.
Tre varkat e para arritën brigjet e ishullit pak para mesnatës, ndërsa tjetra rreth orës 01:50, pasi u spikat nga roja bregdetare që e tërhoqi deri në breg.
Janë 24 varkat që në dy ditët e fundit kanë arritur në Itali, me një numër emigrantësh që kalon 1700 persona.
Ndërkohë, ministri i Brendshëm italian, edhe pse kërkon ndërmarrjen e një plani ndërkombëtar për të frenuar emigracionin, u shpreh dje kundër ndërhyrjes ushtarake në Libi.
“Një ndërhyrje ushtarake në Libi do të ishte një gabim shumë i rëndë. Këtë e them unë, por e ka thënë edhe Hillary Clinton, që nëse ndërhyet në mënyrën e gabuar, Libia mund të kthehet në Afganistanin ose në Somalinë e re”, deklaroi Maroni.
Top Channel
