Egjipt, gjykata ngrin pasurinë e Mubarak
08/03/2011 12:35
Sulm me thikë në Gjermani, autori plagos 5 persona, po shikonin ndeshje në një bar 18/05 19:17
Gjykata e Kajros ka ngrirë fondet e ish-presidentit Hosni Mubarak, të bashkëshortes së tij Suzanne, të dy djemve të tij Alaa dhe Gamal, si dhe të dy djemve të tyre.
Gjykata ka miratuar kështu kërkesën që prokurori i përgjithshëm egjiptian, Abdel Meguid Mahmoud kishte paraqitur disa javë më parë.
Lidhur me vlerën e fondeve qarkullojnë zëra të ndryshëm, të përgënjeshtruar nga familja Mubarak, por që deri tani nuk ka dalë asgjë e saktë dhe e konfirmuar.
Aktualisht ish-presidenti ndodhet në Sharm el Sheikh, ku sipas mediave ndërkombëtare ai është në gjendje të rëndë shëndetësore.
Mubarak u rrëzua nga posti i kreut të shtetit pas një vale protestash të qytetarëve egjiptianë, të cilët u rebeluan ndaj korrupsionit dhe varfërisë.
Top Channel
