Pronari I Formulës 1, Bernie Ecclestone, hodhi sot idenë që gara e Bahreinit të vendoset e fundit në kalendarin e Botërorit.
Në një deklaratë të dhënë për BBC, Ecclestone ritheksoi se është kundër shkurtimit të kalendarit të Botërorit, pas gara e parë u shty, si rrjedhojë e protestave në ishullin e Bahreinit.
”Mund të vendosim Bahreinin pas Brazilit, sepse në verë në pistën e Sakhirit bën shumë nxehtë dhe temperaturat do të ishin mbi 40 gradë”, deklaroi Ecclestone.
Besohet se organizarët e garës së Brazilit do të protestojnë ndaj kësaj ideje, pasi pista e tyre mund të privohet nga fitime të rëndësishme dhe vëmendjen, që ka një garë e fundit përcaktuese e sezonit.
Top Channel
