Në botën e sportit ndodhin vazhdimisht ngjarje të rralla dhe të veçanta, por ajo që ndodhi gjatë javës në një ndeshje të kampionatit bullgar, meriton të renditet në majat e listës së ndodhive të çuditshme.
Me rastin e ndeshjes së fundit të fazës së parë të kampionatit, skuadra e Lokomotiv Plovdivit kishte thirrur një prift për të bërë kurban një dash në fushën e lojës.
Pas realizimit të ritit, futbollistët vendas shkuan shumë larg, me kapitenin Lazarov dhe portierin francez Lucchini, të cilët morrën gjakun e kafshës së therrur dhe me të lyen shtyllat e portës për mbarësi.
Mesa duket, bërja kurban i solli me të vërtetë fat Lokomotivës, e cila fitoi 2-0 përballë rivalëve të Çernomorets Burgas-it.
Skuadra e Plovdivit, kampione e Bullgarisë në vitin 2004, ndodhet aktualisht në vendin e pestë dhe është në luftë për të fituar një vend në Europa League.
Top Channel
