Lezhë, dëmtohet kisha 8-shekullore
23/02/2011 16:15
Ja kush është familja nga Hasi që ruan traditën! Grup xhirimi i TCH kalon natën tek familja Mulaj 15/12 17:16
Rrënojat e kishës së Shën Stefanit në Blinisht të Lezhës i përkasin shekullit të XII. Ato janë shënuar me numrin 193 dhe objekti është shpallur monument kulture nga shteti që në vitin 1984.
Por ditët e fundit, rrënojat e kësaj kishe që ndodhen në mes të varrezave të fshatit janë dëmtuar rëndë.
Në të janë zhvilluar gërmime që kanë shkaktuar rrëzimin e mureve dhe kanë nxjerrë në sipërfaqe eshtra të njerëzve që janë varrosur ndër shekuj pranë kësaj kishe shumë të vjetër në Shqipëri.
Persona të paautorizuar dhe të panjohur kanë prerë pemët dhe hequr bimësinë në muret e kishës, si dhe kanë gërmuar në brendësi të mureve.
Kjo ndërhyrje ka sjellë rrëzimin e një pjese të murit të saj që qendronte në këmbë prej 8 shekujsh. Konstatimi i dëmtimit është bërë nga banorët e zonës, të cilët kanë njoftuar edhe autoritetet.
Top Channel
