Tunizia kërkon ekstradimin e Ben Ali-së
21/02/2011 08:15
Çfarë po ndodh me Andrew Tate dhe të vëllanë, pritet gjykimi në Rumani për trafikim 27/04 00:02
Tunizia kërkoi zyrtarisht ekstradimin e ish-presidentit Zine al-Abidine Ben Ali, i cili u strehua në Arabinë Sauditë në mesin e janarit, pas protestave masive në vend.
74-vjeçari raportohet aktualisht shumë i sëmurë, pasi pësoi një atak në zemër. Ai ndodhet në një spital në Xhedah, por ka edhe burime ndërkombëtare që sigurojnë se Ben Ali ka ndërruar jetë, por vdekja e tij po mbahet e fshehtë.
Së bashku me kërkesën për ekstradim për shkak të “pjesëmarrjes së tij në vrasjen e më shumë se 200 tunizianëve gjatë protestave në vend”, autoritetet tuniziane i kërkuan Riadit zyrtar informacion për gjendjen shëndetësore të ish-diktatorit, së bashku me një konfirmim nëse është apo jo ende në jetë.
Aktualisht, Tunizia drejtohet nga një qeveri e përkoheshme, e cila po përgatit vendin për zgjedhjet e përgjithshme.
Top Channel
