Nesër votimi për Thacin e Pacollin
21/02/2011 17:35
Mbishkrimi “Kosova është Serbi”/ Të arrestuarit në Kosovë pjesëtarë të ushtrisë së Malit të Zi 27/11 18:31
Votimi i kryeministrit dhe presidentit të ri të Kosovës mund të bëhet ditën e nesërme, në një seancë të jashtëzakonshme të Kuvendit të sapoformuar.
Lajmin e ka bërë të ditur kryetari i Kuvendit, Jakup Krasniqi, i cili ka saktësuar se nesër paradite do të shqyrtojë kërkesën për një seancë të jashtëzakonshme nga PDK.
Ndërkohë, nënkryetari i PDK-së, Hajredin Kuci ka konfirmuar dërgimin e kërkesës, duke sqaruar se partia në pushtet ka kërkuar që seanca të mbahet në orën 15:00.
“Megjithatë, ne pajtohemi me qëndrimin e Kuvendit të Kosovës sepse jemi ithtarë të respektimit të Kushtetutës”, ka deklaruar Kuci.
Në seancën e sotme të Kuvendit të Kosovës u betuan deputetët e rinj të tij, të cilët zgjodhën si kryetar Jakup Krasniqin.
Top Channel
