SHBA, Kongresi voton për shkurtime drastike
19/02/2011 14:40
Parada ushtarake në Lisbonë shënon 50 vjetorin e ‘Revolucionit portugez të Karafilëve’ (fotot)
25/04 18:59
Dhoma e Përfaqësuesve në Parlamentin Amerikan (Kongresi) aprovoi planin e shkurtimeve drastike në buxhetin federal, në atë që u konsiderua si një fitore për shumicën republikane të Kongresit.
Aprovimi ndodhi në mëngjes, me deputetë që votuan pothuajse të gjithë në bazë të vijës së tyre partiake.
Votimi aprovoi shkurtimin e 61 miliardë dollarëve, duke nisur nga tani, deri në fundin e vitit buxhetor, në 30 shtator.
Presidenti Barack Obama paraqiti më parë një plan për më pak shkurtime drastike, për vitin e ardhshëm.
Në mënyrë që vendimi i Kongresit të aprovohet, ai do të duhet të marrë miratimin e Senatit, që ndonëse me shumicë të dobët, vazhdon të kontrollohet nga partia demokratike e presidentit në fuqi.
Sipas korrespondentëve dhe ekspertëve të mediave amerikane, pritet që Obama dhe senatorët demokratë t’a rrëzojnë dekretin.
Ditën e hënë, presidenti lajmëroi një plan që synon të reduktojë defiçitin e tanishëm buxhetor në dhjetë vitet e ardhshme. Defiçiti kap aktualisht vlerën e 1 100 miliardë dollarëve.
Top Channel
